Asa
ting sariak sa awak-awak. Neuteup sarakan manjing ka burak,
diubrak-abrik cenah neuk neangan kahuripan. Lahan leuweung geus
dioper, jadi tegal dom-doman. Nyaho-nyaho geus lesang. Dijaga ku
buntelan-buntelan picis. Moal lila deui Citorek ngajadi panineungan.
Deudeuh
lemah andon bumetah, leuweung salin jinis jadi tegalan garing,
Cimadur salin jinis ngajadi susukan racun, Citorek salin jinis
ngajadi empang caina hideung. Dipasing-pasing, dug-deg, ngaleut
ngabandaleut, nu pinah ngahelar ninggalkeun lemah cai bari rudin.
Tegal
reuma pangangonan pakebonan pasawahan, nu kaboler teu kagarap. Sim
salabim disihir disulap jadi lahan kosong teu kapake kaarah. Tanah
wasiat pengeusina buriak birat, paburencay paburisat. Kalindih ku
pokalna. Da bongan sok nyanyahoanan, sok kakawasaanan, doang nu pang
kawasana. Teu nolih catur kolot, teu nggeuh amanat karuhun, teu
nincak catur nagara.
Ayeuna
carita geus deukeut bari jeung geuwat. Ulah pamohalan anaking…
kabeh bakal kasungsi, Citorek geus datang kana galih tungtungna.
Gancang carita bubuka, ulah disidem nu kulawu. Tingtrim mimiti
leungit, bakal leungit nepi ka parat paulna langit. Mangsa beurang
mangsa neang jati urang ukur wujud lembur nu simpe, lumbur nukakubek
moal nguniang deui.
Tingal
ayeuna, lampah rumegag bakal dikuntit rasa hariwang, maturan mata poe
nu teu nyusud tapak bulan. Geuning Citorek katalimbeng na sungapan
dunya. Ti renghap ka renghap, lelengkah muru congo catur jeung
lalakon nu lana. Tah di die bakal kinkin rudin subaha marudah. Engke
ngoneal pananya purba: Galih Citorek naha ilang dangiang?
(Hyang
Kuncung Jampana)
Tidak ada komentar:
Posting Komentar